Әмірлан Айдарбекұлы
Құсайыновты
еске алуға арналған
мұражайы
Әмірлан Айдарбекұлы Құсайыновты еске алуға арналған мұражай Халықаралық білім беру корпорациясының бас оқу корпусында орналасқан. Мұражай 2024 жылы зерттеуші, ғалым және жаңартушы, ерекше ой-өрісі бар басқарушы, көреген тәлімгер және адал басшы болған әкені еске алу үшін ашылды. Нұсқаулық мұражайда көрсетілген экспозициялармен танысуға көмектеседі.
Мұражай 7 аймақтан тұрады. Негізгі залда (Main Hall) 5 аймақ, ал қалғандары кіші залда (AIRoom) орналасқан. Экспозицияда Әмірлан Айдарбекұлының өмірі, оның марапаттары туралы тарихи мәліметтер көрсетілген. Бұл жерде оның бала кезінен жинаған белгішелер жинағын көре аласыз. Олар 70-ші, 80-ші және 90-шы жылдардағы тарих туралы түсінік бере алады. Виртуалды форматта оның өмірбаянындағы оқиғалар жиынтығы. Жұбайы, Қырмызы Айтыкенқызының жеке заттары: сүйікті әндерінің мектеп жинағы, оның алғашқы ғылыми мақалаларының қолжазбалары және жүрегіне қымбат адамдар сыйға тартқан кітаптары ұсынылған.
AI Room – бұл Әмірлан Айдарбекұлының балалары мен жасанды интеллекттің заманауи мүмкіндіктерінің ерекше қиылысы. AI бөлмесінің сыйымдылығы 5 адам.
Қазақстан Республикасының оқу орындарында бар мұражайлар арасындағы айрықша шешімдердің бірі 3D голограммаларды көрсетуге арналған жабдықтарды орнату болып табылады. Голограмманың бейне графикасын проекциялау үшін Альфа-арнаны қолдана отырып, арнайы сканерлеуі бар шыны визор орнатылды.
3D модельдерін жасау үшін бірнеше кәсіби бағдарламалар қолданылды: модельдеу, мүсіндеу, текстуралау, риггинг және анимация.
Әмірлан Айдарбекұлының дауысын қайта жасау үшін жасанды интеллект пайдаланылды. AІ-ды оқыту отбасылық аудио файлдар негізінде жүзеге асырылды.
Мұражай бағандарын қаптау үшін престелген бамбуктан жасалған заманауи кең форматты сәндік панельдер – экопанельдер қолданылды.
Дизайн, жобалау және автоматтандыруды ҚазБСҚА түлектері орындады. Жобада Әмірлан Айдарбекұлының қызы – Маралова Ақмаралдың жетекшілігімен шығармашылық топ жұмыс істеді. Топ құрамында: Такенова Жанар, Баймұхамед Мирас, Баймұхамед Диас, Ерсайын Арайлым, Силиверстова Анастасия.
Аймақ-1
Ә. А. Құсайыновтың балалық, жасөспірімдік және жастық шақ белгілерінің жинағы орналасқан сөре.
Аймақ-2
Арнайы қосымшаның көмегімен сенсорлы экранда Әмірлан Айдарбекұлының өмір тарихын біле аласыз: «Өмір бойына жалғасқан бір сәт…», ол өмір бойы сапар шеккен елдер мен университеттер, сонымен қатар студенттерге арналған арнайы бет бар.
Аймақ-3
Бұл жерде өз ойларыңызбен бөлісу үшін арнайы альбомда өз тілектеріңізді қалдыра аласыз.
Аймақ-4
Ыңғайлы орындықтарда отырып, Әмірлан Айдарбекұлына сыйға тартылған және оның жеке қолтаңбалары бар кітаптармен, 2000 жылдан бастап ҚазБСҚА мен ҚАУ-дың елеулі іс-шаралары туралы Әмірлан Айдарбекұлы жинаған арнайы фотоальбомдарымен танысуға болады.
Аймақ-5
Ә.А.Құсайыновтың еңбектері мен құрмет белгілері орналастырылған сөре.
Аймақ-6
Жасанды шындыққа кіруге арналған AI бөлмесі
Аймақ-7
Ә.А.Құсайыновтың жеке құжаттары (дипломдары мен куәліктері) орналастырылған сөре.
