2024 жылдың 7 қарашасында Халықаралық білім беру корпорациясының студенттері Қазақстан Республикасының Төтенше жағдайлар министрлігіне қарасты Алматы қаласы Төтенше жағдайлар департаментінің басшылығынан алғыс хаттармен марапатталды. Бұл марапаттар 13-19 тамыз аралығында өткен Өрт сөндіру-құтқару спорты бойынша жасөспірімдер арасындағы XIII әлем чемпионаты мен қыздар арасындағы IX әлем чемпионатына арналған ресми логотип пен маскотты әзірлегендері үшін берілді. Алғыс хаттармен ГД-20-5 тобының студенттері Дина Ажибекова, Айнұр Аққуан, Айсулу Рыспаева, Дана Сергазина және Ляззат Тлеубаева марапатталды.
Чемпионатты ұйымдастыру мен өткізуге қосқан үлестері үшін ХБК ректоры, техника ғылымдарының докторы, профессор Маргарита Булатовна Имандосова және дизайн факультетінің деканы, өнертану кандидаты Александр Александрович Зименко Қазақстандық өрт сөндірушілер мен құтқарушылар спорт федерациясының төсбелгісімен және Халықаралық спорт федерациясының алғыс хатымен марапатталды.
