2025 жылдың 21 сәуірінде Халықаралық Білім беру Корпорациясында ең жарқын және көптен күткен студенттік байқаулардың бірі — «Студенттік көктем — 2025» өтті. Бұл шара дарындылықтың, креативтіліктің және студенттік бірліктің нағыз мерекесіне айналды.

«Студенттік көктем» жыл сайын ең белсенді, шығармашыл және талапты студенттерді жинап, вокал, хореография, театр өнері, оригинал жанрлар мен көркемдік безендіру салаларында өз қабілеттерін көрсетуге бірегей мүмкіндік береді.

Ашылу салтанаты рәсімінде Халықаралық Білім беру Корпорациясының ректоры Маргарита Булатовна Имандосова құттықтау сөз сөйлеп, студенттердің шығармашылық әлеуетін дамыту маңыздылығын атап өтті және байқауды ұйымдастырушылар мен қатысушыларға алғысын білдірді.

Биылғы «Студенттік көктем — 2025» байқауы әр факультеттің «Ұлы ашылулары» тақырыбына арналды. Әр команда музыка, би, театр қойылымдары және оригинал жанрлар арқылы сәулет, құрылыс, дизайн, инжиниринг және менеджмент салаларындағы ұлы жетістіктерді шығармашылық тұрғыда көрсетті.

Байқау қорытындысы бойынша жеңімпаздар анықталды:

• І орын және 1 000 000 теңге — Жалпы құрылыс факультеті;
• ІІ орын және 750 000 теңге — Дизайн факультеті;
• ІІІ орын және 500 000 теңге — Сәулет факультеті.

Сонымен қатар, келесі номинациялар бойынша марапаттар берілді:

• «Үздік сценарий» — Сәулет факультеті;
• «Үздік безендіру» — Дизайн факультеті;
• «Үздік хореография» — Қазақ-Америка университеті;
• «Үздік музыкалық сүйемелдеу» — Жалпы құрылыс факультеті;
• «Үздік актер» — ҚТИМФ факультетінің 1-курс студенті Тажи Мадияр.

«Студенттік көктем» — тек байқау ғана емес, тәрбиелік жұмысының маңызды бөлігі болып табылады. Ол әр факультет пен курс студенттерін біртұтас, ұйымшыл командаға біріктіре отырып, жан-жақты дамыған тұлғаны қалыптастыруға ықпал етеді.