2025 жылғы 7 маусымда Халықаралық білім беру корпорациясында (KazGASA) Әскери кафедраның 145 студенті салтанатты түрде Әскери ант қабылдады. Рәсімнің ресми бөлімінде ХБК ректоры Имандосова Маргарита Булатовна, Әскери кафедра бастығы полковник Умбетов Дархан Каблашович және Қазақстан Республикасы Қарулы Күштерінің ардагері, генерал-майор Тузиков Владимир Владимирович құттықтау сөз сөйледі.

Салтанатты шара әскери рәсімдер мен дәстүрлерге сай өтті. Студенттер Отанға адалдық танытып, оның тәуелсіздігі мен егемендігін қорғауға дайын екендерін білдіріп, ант қабылдады. Салтанатты бөлімнен кейін үздік студенттердің ата-аналарына Халықаралық білім беру корпорациясы басшылығының атынан алғыс хаттар табысталды. Іс-шара жаңадан тағайындалған запастағы сержанттардың саптық шеруімен аяқталды.