ХБК Академиялық сапа кеңесі

Академиялық сапа кеңесі

Оқу-әдістемелік кеңес – әдістемелік жұмысты ұйымдастыруды жетілдіру және оқу-әдістемелік құжаттаманы сапалы мамандар даярлаудың заманауи талаптарына сай жетілдіру мақсатында құрылған. Оқу-әдістемелік кеңес өз қызметінде ҚР «Білім туралы» заңын, ҚР БҒМ нормативтік-құқықтық құжаттарын, «МОК» ЖШС Жарғысын, ғылыми және әдістемелік жұмыс регламентін, сондай-ақ, Ректор бекітетін оқу-әдістемелік кеңестің жылдық жұмыс жоспарын басшылыққа алады. Оқу-әдістемелік кеңестің қызметін ректор бұйрығымен тағайындалатын, әдетте, тәжірибелі академиялық немесе қауымдастырылған профессорлар қатарынан таңдалған УӘК төрағасы басқарады. Кеңес өз жұмысын оқу-әдістемелік семинарлар, кеңес отырыстары, жиналыстар және ректордың жеке тапсырмаларын орындау арқылы ұйымдастырады.

Негізгі қызмет бағыттары

Оқу процесін ұйымдастыруды, оның әдістемелік қамтамасыз етілуін және қарқындылығын жетілдіру, оқытушылар мен білім алушылардың педагогикалық және оқу-әдістемелік қызметінің тиімділігін арттыру бойынша ұсыныстар әзірлеу.
Факультеттердің оқу-әдістемелік кеңестерінің жұмысын ұйымдастыру және үйлестіру, жоғары оқу орны мен Қазақстан Республикасының басқа да білім беру мекемелерінің тәжірибесін зерттеу, жинақтау және тарату, сондай-ақ, шетелдік озық тәжірибені оқу процесін ұйымдастыруда қолдану.
Оқу-әдістемелік құжаттарды әзірлеуге жұмыс берушілерді, сарапшыларды және тапсырыс берушілерді тарту.
Туыс мамандықтар (білім беру бағдарламалары) бойынша білім беру ұйымдарының оқу-әдістемелік қызметін үйлестіру және өзара байланысын қамтамасыз ету.
Мемлекеттік жалпыға міндетті білім беру стандарттарын жетілдіру және жоғары және жоғары оқу орнынан кейінгі білім беру бағдарламаларының мазмұнын жаңарту бойынша ұсыныстар әзірлеу.
Оқу процесінің оқулықтармен және оқу құралдарымен қамтамасыз етілуін мониторингтеу.
Оқулықтар мен оқу құралдарының қолжазбаларына сараптама жүргізу.
Басқа жоғары оқу орындарының инновациялық тәжірибесін зерттеу.
Заманауи білім беру технологияларын енгізу бойынша ұсыныстар дайындау.
Оқу процесін жетілдіру, озық тәжірибені тарату, жоғары білім мәселелері бойынша конференциялар, семинарлар мен жиналыстарды ұйымдастыруға қатысу.
Қазақстан Республикасының заңнамалық актілеріне сәйкес мемлекеттік тілді дамыту және енгізу бағдарламасын жүзеге асыруға жәрдемдесу.

Негізгі функциялар

Жоғары білім беруді дамыту мәселелері бойынша құжат жобаларын дайындауға және сараптауға қатысу.
Оқу процесінің әдістемелік қамтамасыз етілуін жетілдіру және оған басшылық жасау.
Оқу жоспарлары мен бағдарламаларын әзірлеу, олардың мазмұнын жаңарту, пәндерді интеграциялау, әдістемелік нұсқаулар мен оқу процесін жүргізу бойынша ұсыныстар дайындау.
Ғылыми-әдістемелік конференциялар, көрмелер, семинарлар мен жиналыстарды ұйымдастыруға қатысу.
Мемлекеттік білім беру стандарттарын, оқулықтар мен оқу құралдарын әзірлеуге арналған тендерлерге қатысу үшін авторлық ұжымдарды қалыптастыру.
Оқу және оқу-әдістемелік әдебиеттерді басып шығару және қайта басып шығару бойынша жылдық перспективалық жоспарларды әзірлеу.
Жеке жоспарлар мен нұсқаулықтарда қарастырылған оқу-әдістемелік жұмыстардың орындалуын бақылау.
Ұйымдастырушылық жұмысты жүргізу.
Оқу-әдістемелік кеңес (ОӘК) отырыстарын өткізу.
ОӘК қызметі туралы есептер дайындау.
Жоғары және жоғары оқу орнынан кейінгі білім берудің мемлекеттік стандарттарын, үлгілік оқу жоспарларын және сәулет-құрылыс бағытындағы білім беру бағдарламаларын әзірлеу жұмыстарын ұйымдастыру.
Озық оқытушылардың педагогикалық тәжірибесін талдау және қорыту, жаңа оқыту технологияларын енгізу, барлық оқу сабақтарын өткізудің әдістемесін жетілдіру, компьютерлік және техникалық оқыту құралдарын қолдану және олардың тиімділігін бағалау бойынша ұсыныстар әзірлеу.
Жұмыс оқу жоспарлары мен пәндердің оқу бағдарламаларын (силлабустар) талқылау және келісу.

Оқу пәндерінің оқу-әдістемелік қамтамасыз етілуін ұйымдастыру және іске асыру

Қызметті регламенттеу

Оқу-әдістемелік кеңес жыл сайын әзірленетін және МОК ректоры бекітетін жоспарға сәйкес жұмыс істейді. Факультеттердің оқу-әдістемелік кеңестерінің жұмыс жоспарлары факультет декандарымен келісіліп, Оқу-әдістемелік кеңес төрағасымен бекітіледі. Оқу-әдістемелік кеңестің өкілеттігі МОК ректорының өкімімен тоқтатылып немесе қайта жаңартылады.

ХБК Академиялық сапа кеңесі

Академиялық сапа кеңесі

ХБК туралы

Талапкерлерге арналған

Ақпарат

Байланыс