Сәулет факультеті

1966 жылы Қазақ политехникалық институтының (ҚазПТИ) қабырғасында Сәулет факультеті (СФ) «Қала құрылысы» және «Сызба геометрия» кафедраларының негізінде құрылды. Алайда, сәулет мамандығы бойынша алғашқы қабылдау 1961 жылы жүзеге асырылды. 
Отандас сәулет мектебінің негізін қалаушы – Төлеу Құлжаманович Басенов, алғашқы қазақ ғалым-сәулетшісі, Ленинград сәулет мектебінің түлегі, профессор В.Л. Гофман мен академик А.В. Щусевтің шәкірті. Т.К. Басенов – 1936 жылы құрылған Қазақстан сәулетшілер одағының алғашқы төрағасы, сәулет кандидаты, КСРО Сәулет және құрылыс академиясының корреспондент-мүшесі, Қазақ КСР еңбек сіңірген құрылысшысы. Ол ҚазПТИ қабырғасында сәулет мамандарын даярлау орталығын құру үшін үлкен күш салды.
1980 жылы ҚазПТИ-дің инженерлік-құрылыс, сәулет және санитарлық-техникалық факультеттері мен Бүкілодақтық инженерлік-құрылыс институты (БОИҚИ) негізінде Алматы сәулет-құрылыс институты (АСҚИ) құрылды. Институтта 3000-нан астам студент оқыды. Оқытушылар құрамының күш-жігерінің арқасында 1998 жылы ол Қазақ мемлекеттік сәулет-құрылыс академиясына (ҚазМСҚА), кейіннен Қазақ бас сәулет-құрылыс академиясына (ҚазБСҚА) айналды.
Белгілі ұстаздар: Ғлаудинов Б.А., Шакербай Б.Х., Какорин В.Д., Бөкейханов С.Р., Әбілов А.Ж., Решетнев М.И., Құспанғалиев Б.У., Космериди С.Г., Төлебиев А.Т., Сарбағысов Қ., Чивазов З.М., Сәдуақасова Г.К., Қозбағарова Н.Ж., Исходжанова Г.Р., Әбдірасылова Г.С. сәулет-құрылыс саласының мамандарын даярлауды қайта жандандырды.
Көп жылдық тарихында сәулет факультеті Қазақстан мен ТМД елдері үшін жоғары білікті сәулетшілерді даярлауға зор үлес қосты.