«SCHOLARSHIPS» стипендиясы

«SCHOLARSHIPS» стипендиясы туралы

«Scholarships» арнайы стипендиясы (бұдан әрі – арнайы стипендия) Халықаралық білім беру корпорациясының (ХБК) ең дарынды студенттеріне беріледі. Бұл стипендия ақылы негізде оқитын, бірақ әртүрлі себептерге байланысты (отбасы жағдайы, денсаулық жағдайы, қаржылық қиындықтар және т.б.) оқу ақысын төлеуге мүмкіндігі жоқ студенттерге арналған.
Арнайы стипендия оқу ақысын 100% немесе 50% жеңілдікпен төлеуді білдіреді. Оған Қазақстан Республикасының азаматтары үміткер бола алады, егер олар:
Академиялық қарызы жоқ;
Қайта тапсырулары және FX бағасы жоқ (соңғы емтихан сессиясының, оның ішінде тәжірибе бойынша бағалары);
Бакалавриаттың барлық курсындағы күндізгі оқу бөлімінің студенттері болса.
Арнайы стипендия бір академиялық семестрге тағайындалады.
Стипендияны қатарынан екі рет алуға болады, бірақ одан артық емес.

Арнайы стипендияның басты шарты – үздік академиялық үлгерім (А, А- бағалары).

Стипендия үміткерлері ХБК ректорына белгіленген үлгідегі арнайы бланкіде (№1 қосымша) өтініш жазады. Өтініште қаржылық қиындықтардың себептері көрсетілуі тиіс. Өтінішке міндетті түрде тиісті құжаттар қоса тіркелуі керек. Құжаттардың ең аз тізімі арнайы өтініш бланкісінде көрсетілген.

Өтініш беру мерзімі:
16.01 – 18.01.2024
IPORTAL (электронды кабинет – арнайы стипендия «SCHOLARSHIPS»)

Барлық сұрақтар бойынша топ эдвайзерлеріне немесе факультеттің тәрбие ісі жөніндегі декан орынбасарларына хабарласуға болады.

Қажетті құжаттар тізімі

Міндетті құжаттар:
Соңғы 6 айдағы жалақы мөлшері және аударымдары көрсетілген анықтама (1С-Бухгалтерия/жалақы бағдарламалары арқылы);
Жұмыссыз болған жағдайда, ЦОН-нан (ХҚКО) алынған нөлдік табыс туралы анықтама;
Отбасы құрамын анықтау үшін жеке куәлік пен отбасы мүшелерінің туу туралы куәліктерінің көшірмелері;
Зейнетақы төлемдерінің мөлшері көрсетілген табыс анықтамасы (ЦОН, «Азаматтарға арналған үкімет» мемлекеттік корпорациясы) (егер ата-анасы зейнеткерлер болса).

Егер бар болса, қосымша құжаттар:
Отбасы мүшелерінің мүгедектігі туралы анықтама;
Ата-ананың зейнеткерлік куәлігі;
Ата-ананың еңбекке жарамсыздығы туралы анықтама (уақытша немесе толық);
Соттың алимент өндіру туралы шешімі;
Ата-анасының қайтыс болуы туралы куәлік;
Ата-анасының ажырасу туралы куәлігі немесе сот шешімі;
Студенттің некелескені туралы куәлік;
Көпбалалы ана куәлігі («Алтын алқа» белгісімен марапатталған);
Ата-ананың қайта некелескені туралы куәлік (фамилия өзгерген жағдайда);
Өгей әкенің табысы туралы анықтама;
Балалар үйі немесе мектеп-интернаттан анықтама;
Ата-анасынан бас тарту туралы өтініш;
Соттың ата-ана құқығынан айыру туралы шешімі;
Кәмелетке толмаған балаларға асыраушысынан айырылған жағдайда жәрдемақы алу туралы анықтама.

Маңызды!
Міндетті құжаттар толық ұсынылмаса, өтініш қарастырылмайды!
Көрсетілген мерзімнен кеш тапсырылған өтініш қаралмайды!
Егер GPA көрсеткіші А, А- болмаса, өтініш қабылданбайды!

«SCHOLARSHIPS» стипендиясы

«SCHOLARSHIPS» стипендиясы туралы

Қажетті құжаттар тізімі

ХБК туралы

Талапкерлерге арналған

Ақпарат

Байланыс