17 мамырда Алматыда Халықаралық білім беру корпорациясы базасында «сСәулет және құрылыс» бағыты бойынша және «Дизайн» секциясы бойынша оқу-әдістемелік бірлестіктің (ҚР ҰӘМ РУМС ОӘБ-ЖББМ) отырысы өтті. Отырыс ХБК ректоры Имандосова Маргарита Болатқызының төрағалығымен өтті.
Іс-шара Қазақстан Республикасы Ғылым және жоғары білім министрлігі Жоғары және жоғары оқу орнынан кейінгі білім комитеті төрағасының орынбасары Гүлжан Сағидоллақызы Жарасованың қатысушыларды құттықтауы мен кіріспе сөзін қамтитын пленарлық отырыстан басталды. Негізгі баяндамалар жоғары білім мен өндірістің интеграциясына, құрылыс саласындағы жаңа әзірлемелерге, сондай-ақ Қазақстан Республикасының тарихи-мәдени мұрасын сақтау мәселелеріне қатысты болды.
Алматы қаласы Кәсіпкерлер Палатасы директорының адами капиталды дамыту және халықаралық ынтымақтастық жөніндегі орынбасары Жанар Мейрамқызы Туребекова ұсынған «Атамекен» ҰКП рейтингінің өзекті нәтижелеріне және «сәулет және құрылыс» бағыты бойынша білім беру бағдарламаларындағы жетістіктерге көп көңіл бөлінді.
Сала өкілдері айтқан маңызды мәселе құрылыс материалдарын өндіру, геодезия және картография бойынша кадрлардың тапшылығы мәселесі болды, бұл ретте жұмыс берушілер аталған мамандықтарға талапкерлерді тарту үшін гранттар бөлу мәселесінде бейінді министрлік тарапынан жәрдемдесуге үміт білдірді.
Сонымен қатар, академиялық қоғамдастық өкілдері дизайн бағыты бойынша докторантураға гранттардың көпжылдық болмауына алаңдаушылық білдірді, бұл ел бойынша диссертациялық кеңестердің болмауына байланысты оқудан шыққан докторанттардың диссертациясын қорғап шығу мүмкін еместігін білдіреді. Жиналысқа қатысушылар осы мәселені ұтымды шешуге және бейінді министрлікке жәрдемдесуге үміт білдірді.
Отырысқа жоғары және жоғары оқу орнынан кейінгі білім беру ұйымдарының, академиялық қоғамдастықтың 100-ден астам өкілдері, сала мамандары мен сарапшылары қатысты, олар қаралып отырған мәселелерді қолдауда терең пікір білдірді, бұл оқиғаның Қазақстан Республикасында білім беру саласын дамыту үшін маңыздылығын көрсетеді.
Іс-шара сонымен қатар Халықаралық білім беру корпорациясының кампусына экскурсияны қамтыды, оның барысында қатысушылар оқу орнының материалдық-техникалық базасымен танысты.
