ХБК Қамқоршылар Кеңесі 2007 жылы Қазақстан Республикасының мүддесі үшін жоғары оқу орнының зияткерлік әлеуетін тиімді пайдалану және оған қажетті ұйымдастырушылық-материалдық қолдау көрсету мақсатында құрылды.
ХБК Қамқоршылар кеңесін құру және оның жұмыс істеуі Қазақстан Республикасының 2007 жылғы 27 шілдедегі «Білім туралы» Заңы және білім және ғылым министрінің 2007 жылғы 22 қазандағы Қамқоршылық кеңес қызметінің үлгілік қағидаларын және оны сайлау тәртібін бекіту туралы бұйрығы шеңберінде жүзеге асырылды.
ХБК Қамқоршылар Кеңесі жеке және заңды тұлғалардың ерікті бірлестігі болып табылады және ХБК білім беру және шаруашылық қызметін қолдау мен жәрдемдесудің алқалы кеңесші органы болып табылады. Қамқоршылар Кеңесі өз қызметінде Қазақстан Республикасы Үкіметінің қаулыларын, ХБК Жарғысын, ХБК Қамқоршылар Кеңесі туралы ережені, билік органдарының басқа да нормативтік құқықтық құжаттарын басшылыққа алады. Қамқоршылар Кеңесі жергілікті билік органдарымен, бұқаралық ақпарат құралдарымен, мекемелермен, ұйымдармен, бейінді кәсіпорындармен неғұрлым тиімді өзара іс-қимыл жасауға жәрдемдеседі.
ХБК Қамқоршылар кеңесінің құрамына белгілі түлектер – Мемлекеттік мекемелердің, білім беруді басқару органдарының, кәсіпорындар мен инвестор ұйымдардың, шығармашылық және кәсіптік одақтардың, БАҚ өкілдері, сондай-ақ студент жастардың өкілдері кіреді. Қамқоршылар Кеңесі жоғары оқу орнының басшылығымен, оның бөлімшелерімен, оқытушыларымен және студенттерімен тұрақты жұмыс байланыстары арқылы ХБК өміріне белсенді қатысады.
Қамқоршылар кеңесінің мүшелері ХБК-ны дамытудың перспективалық жоспарларын үнемі талдайды, оқу бағдарламаларын жетілдіру, білім беру процесіне заманауи технологияларды енгізу, ЖОО-ның оқу-ғылыми және материалдық-техникалық базасын кеңейту жөнінде ұсыныстар енгізеді.
Қамқоршылар кеңесі қызметінің маңызды бағыттарының бірі тұрмысы төмен отбасылардан шыққан студенттерге, жетім балаларға, талантты жастарға, сондай-ақ шет елдерге (Египет, БАӘ, Қытай, Корея,Түркия, Италия, Испания және т.б.) практикаға баратын студенттерге демеушілік қолдау көрсету болып табылады.
ХБК Қамқоршылар Кеңесі сәулет-құрылыс, ғылыми, саяси, экономикалық және басқа салалардың көшбасшыларын және кәсіби салада жетістікке жеткен және бәсекеге қабілетті мамандарды даярлауға өз үлестерін қосқысы келетін түлектерімізді қамтиды.
Олардың ішінде: республикалық органдардың өкілдері (ҚР Өңірлік даму министрлігінің сәулет, қала құрылысы және құрылыс департаменті, сәулет және қала құрылысы басқармасы). Ұлттық ғарыш агенттігі, «Алматыгипрогор», ҚазҚСҒЗИ, «ВЕК корпорациясы», «Элитстрой», «Астана-Құрылыс», «Алматысу» МКК,, KNAUF, ТҮРКСОЙ, «Мәсімов сауықтыру орталығы» және т.б.), кәсіби және шығармашылық одақтардың (Қазақстан құрылысшылар қауымдастығы, сәулетшілер одағы, дизайнерлер одағы, ҚР қала құрылысы Одағы) басшылары қатысты. ХОК Қамқоршылар кеңесі біздің ЖОО қызметінің барлық бағыттарын жетілдіруге белсенді қатысатын пәрменді орган болып табылады.
ХБК туралы
Құрылу тарихы
Миссия және академиялық саясат
Стратегиялық даму жоспары
Өтініш берушілер үшін
Бакалавриат
Магистратура
Докторантура
Оқу курстары
Олимпиада
Студенттер үшін
Әскери кафедра
Академиялық күнтізбе
Ақпарат
Жаңалықтар