Академиялық ұтқырлық

Сенің ой-өрісіңді кеңейту, басқа елге бару, ХБК шетелдік серіктес ЖОО-да оқудың бірегей тәжірибесін алу мүмкіндігің!

Құрметті Халықаралық білім беру корпорациясының бакалавриат студентері!

Сіздерге 2024-2025 оқу жылына ҚР ҒжЖБ министрлігінің академиялық ұтқырлық бағдарламасы бойынша байқау ашылғанын қуанышпен хабарлаймыз. Халықаралық білім беру корпорациясы Польша мемлекетіндегі Краков технологиялық университетіне 3 квоталық грант орындарын бөледі. Байқауға тек мемлекет грантта білім алатын, қаржылық және академиялық қарызы жоқ, GPA көрсеткіші 3,30- дан жоғары және 2 немесе 3 курс студенттері қатыса алады.

ХБК АКАДЕМИЯЛЫҚ ҰТҚЫРЛЫҚ БАҒДАРЛАМАЛАРЫ:

Білім алушылардың академиялық ұтқырлығы (бұдан әрі – АҰ) – бұл шетелдік әріптес жоғары оқу орнында бір семестр немесе оқу жылы ішінде оқу, оның нәтижесі оқу нәтижелерін растайтын құжат (транскрипт) болып табылады.
АҰ-ға ұзақтығын, қатысатын студенттердің санын, алмасудан, тағылымдамадан өту және тұру шарттарын ХБК және шетелдік әріптес ЖОО әрбір алмасу жағдайында белгілейді, шартта немесе шартқа қосымшада бекітіледі.

ХБК-дағы академиялық ұтқырлық бағдарламалары:

«Шетелдегі семестр» ҚР БҒМ бағдарламасы;
Erasmus + бағдарламасы;
MEVLANA академиялық ауысу бағдарламасы;
ҚазБСҚА мен серіктес жоғары оқу орындарының екіжақты шарттары мен келісімдері шеңберіндегі академиялық ұтқырлық бағдарламасы;
Халықаралық шәкіртақылық бағдарламалар.

Конкурстық іріктеуге қатысу үшін құжаттар тапсыру:
Әрбір алмасу бағдарламасы үшін құжаттарды беру мерзімі белгіленеді, одан кейін өтінімдер қабылданбайды және қаралмайды.
Бағдарламаға қатысу үшін студент:
1. Жоғары академиялық көрсеткіштерге ие болу;
3. Академияның ғылыми және қоғамдық өміріне белсенді қатысу;
4. Академиялық ұтқырлықтан өту үшін және күнделікті өмір үшін шет тілін (ағылшын немесе қабылдаушы ЖОО елінің тілі) жеткілікті деңгейде меңгеру керек.

Байланыстар:
ХБК Халықаралық бөлімінің басшысы
Молотовская Ольга Владимировна
А13 каб., БАК
e-mail: inter.dep@kazgasa.kz, inter.d@kau.kz