2024 жылы 14 маусымда Халықаралық білім беру корпорациясында Cәулет факультетінің 15 оқытушысын Қазақстан Республикасының Сәулетшілер одағына мүшелікке қабылдауға арналған одақтың көшпелі отырысы өтті. Отырысқа ҚР СА Басқарма мүшелері қатысты: Айдар Әбдісағитұлы Татығұлов, ҚР СА бірінші вице-президенті, «KAZGOR» Жобалау академиясының президенті; Болат Аманжолұлы Мұсылманбеков, ҚР СА вице-президенті, «Компания КУМБЕЗ» ЖШС директоры, Алматы облысының бас сәулетшісі; Федянин Антон Васильевич, сәулет конкурстары және жас сәулетшілермен жұмыс жөніндегі комиссияның төрағасы; Абдрасилова Гүлнара Сейдахметқызы, сәулет докторы, ХБК зерттеуші профессоры, ҚР СА сәулет білімі секциясының төрағасы.
Бұл оқиға корпорация мен Сәулетшілер Одағының өзара қарым-қатынасының кезекті үлгісі болды, кәсіби деңгейдің одан әрі өсуіне және мамандар арасында тәжірибе алмасуға ықпал етті.
