2024 жылғы 16 қазанда Constructor University (Бремен қ., Германия) өкілдері ХБК делегациясының 12-13 қыркүйекте өткен Constructor University-ге сапарына жауап ретінде Халықаралық білім беру корпорациясына келді.
Сапар аясында қонақтарға ХБК инфрақұрылымы, оның ішінде заманауи зертханалар мен жаңа оқу ғимараты ұсынылды. Әлемдік деңгейдегі мамандарды даярлау үшін ҚазБСҚА-да қолданылатын озық білім беру әдістемелері мен тәсілдеріне ерекше назар аударылды.
Кездесу қорытындысы бойынша бірлескен ынтымақтастықты жалғастыру, халықаралық өзара іс-қимылдар мен екіжақты ынтымақтастықты кеңейту туралы уағдаластыққа қол жеткізілді, бұл ХБК студенттері мен оқытушылары үшін жаһандық білім беру кеңістігінде жаңа мүмкіндіктер ашады.
