29 қазанда Халықаралық білім корпорациясына (ҚазБСҚА) Әзірбайжандық сәулет-құрылыс университетінің ректоры Гюльчохра Гусейн кызы Мамедова бастаған делегация іс-сапармен келді.
Сапар барысында делегацияға ХБК инфрақұрылымы, соның ішінде заманауи зертханалар мен жаңа оқу ғимараты таныстырылды. Сонымен қатар, бірлескен ғылыми-зерттеу жобалары мен тәжірибе алмасу мәселелері бойынша келіссөздер жүргізілді. ХБК ректоры Маргарита Булатовна Имандосова мен Әзірбайжан сәулет-құрылыс университетінің ректоры Гюльчохра Гусейн қызы Мамедова ынтымақтастық туралы меморандумға қол қойды. Кездесудің негізгі мақсаты – оқу орындары арасындағы серіктестік қатынастарды нығайту және екіжақты ынтымақтастықты дамыту болды.
