Category: Жаңалықтар

DESIGN REVIEW 2024 байқауының қорытындылары

2024 жылдың 29-30 қарашасында Халықаралық білім беру корпорациясында (ҚазБСҚА) DESIGN REVIEW 2024 байқауының финалы өтті. Іс-шараны Қаланың даму орталығы «Алматыгенплан» ҒЗИ қолдауымен ұйымдастырды. Байқауға Қазақстанның түрлі жоғары оқу орындарынан 30 команда қатысты.

Қатысушылар кеңестік және посткеңестік дәуірдегі көпқабатты үйлерді қайта жаңғырту жобаларын ұсынды, басты назар заманауи және инклюзивті кеңістіктер құруға аударылды. Финалға сәулет және дизайн бағыттары бойынша 16 команда шықты.

Байқау жеңімпаздары:

  • 1 орын: «Ескі үйдегі жаңа өмір деңгейі» жобасы – Мұрат Айкөркем, Бали Дания, Ильяшева Аяна, Айтжанова Іңкәр, ХБК (ҚазБСҚА).
  • 2 орын: «Қолжетімді үй – жайлы өмір» жобасы – Дерели Гульбахар, Данабекова Шугыла, Дерели Фатима, Шалимбетова Жанель, ХБК (ҚазБСҚА).
  • 3 орын: «Этномәдени мұра негізінде қолжетімді сәулет ортасын құру» жобасы – Слонимец Диана, Тунгышпаева Акниет, ХБК (ҚазБСҚА).

Студенттерінің жұмыстары негізділігі, креативтілігі, инклюзивтілігі және практикалық құндылығы үшін қазылар алқасының жоғары бағасына ие болды. 

Ұсынылған жобалар қала басшылығының қызығушылығын тудырып, болашақта жүзеге асыру үшін қарастырылатын болады.

ХБК-да «Ұлттық сезім» жобасы аясында көрме өтті

“Ұлттық сезім” жобасын қолдау аясында Халықаралық білім беру корпорациясы қазақ мәдениетін ұлттық дәстүрлі киімдерді насихаттау арқылы белсенді түрде дәріптеп келеді. Студенттер мен оқытушылар бұл бастаманы үлкен ынтамен қолдады. Мұндай тәсіл ұрпақтар сабақтастығын нығайтуға ықпал етіп, Қазақстанның мәдениеті мен дәстүрлеріне терең құрмет қалыптастыруға көмектеседі. Жобаға қатысу қазақ тарихының байлығын терең түсінуге, сондай-ақ жастарды мәдени құндылықтарды сақтауға және дамытуға шабыттандыруға мүмкіндік береді. 

Дизайн факультетінің профессоры Шахизада Саинбекқызы Турғанбаева ұйымдастырған көрме қатысушылардың ерекше назарын аудартты. Көрмеде шағын ұлттық киім киген қуыршақтар ұсынылды. Әр түрлі ұлттардың дәстүрлі киімдерін қайта жасаған бұл қуыршақтар өнер туындысына айналып, біздің студенттердің шеберлігін ғана емес, мәдени мұраның байлығын да көрсетті. Көрме іс-шараға қатысушылардың үлкен қызығушылығын оятып, ұлттық киімдерді жасаудың өнеріне ерекше және қызықты көзқараспен қарауға мүмкіндік берді.

ХБК мен ololohaus ынтымақтастық мәселелерін талқылады

29 қарашада Халықаралық білім беру корпорациясы (ҚазБСҚА) Қырғызстандық «ololohaus» компаниясының өкілдерін қабылдады. Кездесудің басты мақсаты – орталық Азияда креативті индустрияларды дамытуға бағытталған ынтымақтастық туралы меморандумға қол қою болды.

Кездесу барысында тараптар Academic City жобасын жүзеге асыру сұрақтарын талқылады. Бұл жоба жатақханалар, коливингтер, коворкингтер, конгресс-орталық және инновациялық экожүйе құруға арналған басқа да кеңістіктерді қамтитын ауқымды кешенді көздейді.

ХБК мен «Геомастер А» компаниясының ынтымақтастығы

29 қарашада ХБК-да (ҚазБСҚА) «Геомастер А» компаниясының өкілдерімен кездесу өтті.

Кездесудің негізгі тақырыбы «Геодезия және картография» және «Кадастр» білім беру бағдарламалары бойынша білім алушылардың даярлау мәселелерін талқылау болды. Қатысушылар білім алушылардың кәсіби құзыреттіліктерін дамытуға және заманауи технологияларды білім беру үдерісіне интеграциялауға ерекше назар аударды.

Ынтымақтастықты нығайту белгісі ретінде «Геомастер А» ЖШС Galaxy G2 үлгісіндегі заманауи геодезиялық GNSS-қабылдағышын ХБК Ректоры Имандосова Маргарита Булатовнаға табыстады. Бұл жабдық білім алушылардың теориялық білімдері мен практикалық дағдыларының деңгейін арттыру мақсатында оқу процесінде белсенді пайдаланылатын болады.

ХБК оқытушылары Польша мен Италияға ғылыми баяндамалармен барды

2024 жылғы 3-13 қараша аралығында Халықаралық білім беру корпорациясының Сәулет факультетінің оқытушылары Польша мен Италияға сапар жасады. Сапар AP19680138 гранттық жобасы аясында зерттеу тақырыбы бойынша материалдар жинау, мәдени мұраны сақтау тәжірибесін зерделеу және қазіргі заманғы сәулет өнерімен танысу мақсатында ұйымдастырылды.

Делегация құрамына Абдрасилова Гульнара Сейдахметовна, PhD, профессор-зерттеуші және бас ғылыми қызметкер, Данибекова Эльвира Темиргалиевна, PhD, қауымдастырылған профессор және жобаның ғылыми жетекшісі, сондай-ақ Туякаева Айнагуль Кайрбаевна, сәулет кандидаты, қауымдастырылған профессор енді.

6 қараша күні делегация Польшадағы Ченстохова қаласындағы Ченстохова политехникалық университетінде өткен «Materials, structures, technologies and management in civil and environmental engineering» халықаралық конференциясына қатысты. «The architecture of underground mosques in Western Kazakhstan» тақырыбындағы баяндама тыңдаушылар арасында үлкен қызығушылық тудырды. Конференцияға қатысушылар Қазақстанның тарихы, мәдениеті, құрылыс дәстүрлері мен сәулеттік ерекшеліктеріне қатысты көптеген сұрақтар қойды.

13 қараша күні делегация Италияның Флоренция қаласында өткен «The World in Florence» халықаралық фестивалі аясында «Underground mosques of Kazakhstan as monuments of cultural heritage» тақырыбындағы баяндамасымен сөз сөйледі. Баяндама үлкен қызығушылық тудырып, конференция қазылар алқасының шешімімен «TWIF2024 Most Voted Itinerary» дипломымен марапатталды.

Фестиваль аясында Ромуальдо дель Бианко қорына ХБК сәулет факультеті оқытушыларының шығармашылық жұмыстары сыйға берілді. Бұл жұмыстар көрмеде көрсетіліп, Coppini мұражайының тұрақты коллекциясына енді.

ХБК-да Inspiration Day by KAZGOR іс-шарасы өтті

2024 жылдың 27 қарашасында Халықаралық білім беру корпорациясында (ҚазБСҚА) Inspiration Day by KAZGOR шарасы өтті. KAZGOR Жобалық Академиясы студенттер мен оқытушыларды тәжірибе, білім және шабыт алмасу үшін корпорацияға келді.

Бағдарламада:

  • Жобалау үдерісі, параметрлік модельдеу, генеративті дизайн және экологиялық стандарттар (LEED/BREEAM) туралы қызықты баяндамалар;
  • Интерактивті сессиялар, талқылаулар және бағалы сыйлықтары бар викториналар;
  • Үздік студенттерге KAZGOR Жобалық Академиясында тағылымдамадан өту мүмкіндігі қарастырылды.

Шарада практикалық дағдыларға, жобалауда жасанды интеллектті қолдану, жобаларды басқару және командамен жұмыс істеу мәселелеріне ерекше назар аударылды.

ХБК студенті «Үздік студент» номинациясымен марапатталды

2024 жылдың 27 қарашасында Алматы қаласының Жастар саясаты басқармасы мен «Жастар рухы» қоғамдық қоры бірлесе ұйымдастырған “Almaty Leaders” жобасы аясында студент жастардың үздіктерін марапаттау рәсімі өтті.

Іс-шараның қорытындысы бойынша Халықаралық білім беру корпорациясының (ҚазБСҚА) жалпы құрылыс факультетінің екінші курс студенті Аймухан Ансар Абзалович Алматы қаласының үздік студенттерінің ондығына енді. Оның жетістіктері мен белсенді өмірлік ұстанымы жоғары бағаланып, сыйақы ретінде 50 000 теңге көлемінде ақшалай сыйлық берілді.

Ансарды марапатымен құттықтаймыз және оған одан әрі табыстар тілейміз!

Стэнфорд профессоры Пол Ким ХБК-ға келді

26 қарашада Халықаралық білім беру корпорациясында Стэнфорд университетінің профессоры Пол Киммен кездесу өтті. Сапар барысында профессор корпорацияның заманауи зертханалары мен жаңа оқу корпусын қамтитын инфрақұрылымымен танысты.

Профессор Ким қонақ дәрісін өткізді, онда жасанды интеллект дәуірінде бәсекеге қабілеттіліктің негізгі аспектілері, дағдыларды дамыту және жаңа сын-қатерлерге бейімделу мәселелері талқыланды. Дәрістен кейін ол дизайн-ойлау бойынша SMILE ASK атты авторлық әдістемесін таныстырған практикалық воркшоп өткізді.

Воркшоп аясында командалық байқау ұйымдастырылды. Байқау жеңімпаздары профессор Кимнің жеке демеушілігімен Бейжің немесе Лос-Анджелес қаласына сапарға жолдама алды.

МОК РФММ түлектеріне 5 білім беру грантын бөледі

Халықаралық білім беру корпорациясы (ҚазБСҚА) оқуға арналған 5 білім беру грантын Республикалық физика-математика мектебінің (РФММ) түлектеріне бөлетінін жариялады.

Әр грант оқу бағдарламасының толық кезеңінде оқудың 100% құнын жабады. Таңдау критерийлеріне үміткерлердің академиялық үлгерімі, қабылдау емтихандарының нәтижелері және мотивациялық хаттары кіреді.  

“РФММ түлегі ретінде мен мектептегі жылдарымды жылы сезіммен еске аламын және енді осы мектептің болашақ таланттарын қолдағым келеді. Бұл гранттар – сәулет, құрылыс және дизайн әлемінде өзін-өзі танытуды армандайтын жас дарындар үшін ерекше мүмкіндік” – деп атап өтті Халықаралық білім беру корпорациясының Бақылау кеңесінің төрағасы Айгазы Амирланович Кусаинов.  

ХБК дарынды түлектерге жаңа көкжиектер ашады. Бұл қадам корпорацияның дарынды жастарды қолдау және болашақ көшбасшыларды қалыптастыруға деген ұмтылысын растайды. 

ХБК Nobel Fest & Teachers’ Summit және салалық көрмесіне қатысты

2024 жылғы 21-23 қараша аралығында Халықаралық білім беру корпорациясы (ҚазБСҚА) Астана қаласында Nazarbayev University базасында өткен Nobel Fest & Teachers’ Summit әлемдік білім апталығы мен ілеспе көрмесіне қатысты.

 

Форум аясында студенттерді заманауи сын-тегеуріндерге дайындау бойынша негізгі аспектілер, соның ішінде жаһандық еңбек нарығында сұранысқа ие дағдыларды дамыту мәселелері қарастырылған отырыс өтті.

АДРЕС

  • г.Алматы, Рыскулбекова 28
  • 8 727 355 10 56
  • info@mok.kz
Instagram Youtube Facebook

Поступающим

Бакалавриат

Магистратура

Докторантура

Подготовительные курсы

Олимпиады

Студентам

Военная кафедра 

Академический календарь

Информация

Новости

ХБК туралы

Құрылу тарихы

Миссия және академиялық саясат

Стратегиялық даму жоспары

Өтініш берушілер үшін

Бакалавриат

Магистратура

Докторантура

Оқу курстары

Олимпиада

Студенттер үшін

Әскери кафедра

Академиялық күнтізбе

Ақпарат

Жаңалықтар

Экран дикторы

Мекен-жайы

  • Алматы қаласы, Рыскулбекова 28
  • 8 727 355 10 56
  • info@mok.kz
Instagram Youtube Facebook