Жаңалықтар – Page 10 – Международная Образовательная Корпорация

Түлектер 45 жылдығын атап өтті

13 маусымда Халықаралық білім беру корпорациясының қабырғасында Алматы сәулет-құрылыс институтының “Өнеркәсіптік және азаматтық құрылыс” мамандығының түлектері бітіргенінің 45 жылдығын атап өтті. Кездесу аясында қонақтарға жаңартылған корпус таныстырылды, digital мұражайы, Әмірлан Айдарбекұлы Құсайыновты еске алу мұражайы, мамандандырылған зертханалар мен жаңа ағындық аудиторияларды қоса алғанда, корпус бойынша экскурсия өткізілді.

Кездесу соңында түлектер мұражай қорына Әмірлан Айдарбекұлы Құсайыновтың портретін сыйға тартты. Бұл іс-шара ұрпақтар сабақтастығының және түлектердің алма-матерімен байланысының айқын дәлелі болып табылады.

14.06.202418.06.2024

ХБК профессоры Еуразиялық Сейсмо қауымдастығының медалімен марапатталды

2024 жылғы 13 маусымда Қ.И. Сәтбаев атындағы Қазақ ұлттық техникалық зерттеу университетінде екінші инновациялық халықаралық форум аясында “Жалпы құрылыс” факультетінің профессоры Абаканов Танатқан Досқарайұлы Еуразиялық сейсмикалық қауымдастық (ЕАСҚ) Төралқасының шешімімен сейсмикаға төзімді құрылыс саласындағы ғылым мен техниканың дамуына қосқан үлесі үшін медальмен марапатталды.

Құттықтаймыз және одан әрі табыс тілейміз!

14.06.202414.06.2024

Түрікменстаннан келген делегация мен ЮНЕСКО аймақтық бюросы өкілдерінің ХБК-да

14 маусымда ЮНЕСКО-ның Алматыдағы өңірлік бюросы ұйымдастырған Түркіменстаннан келген делегацияның кездесуі өтті. Түркіменстанның ЮНЕСКО Ұлттық комитетінің қонақтары Халықаралық білім беру корпорациясындағы ЮНЕСКО-ның “Тарихи-мәдени мұраны сақтау” кафедрасының жұмысымен танысуға ниет білдірді.

Бұл оқиға сәулет және мәдени мұра саласындағы ынтымақтастық пен тәжірибе алмасудың жаңа перспективаларын ашып, ғылым мен білім саласындағы халықаралық диалог пен серіктестікті одан әрі дамытуға ықпал етеді.

14.06.202417.06.2024

ХБК Алматы қаласында алғашқы британдық Charterhouse School ашу туралы келісімге қол қойды

Халықаралық білім беру корпорациясы Бақылау кеңесінің төрағасы Құсайынов Айғазы Әмірланұлы мен Charterhouse Халықаралық мектебі арасында ынтымақтастық туралы келісімге қол қойылғаны туралы қуана хабарлайды!

2024 жылғы 13 маусымда Халықаралық білім беру корпорациясы Ұлыбританиядағы Charterhouse мектебімен Алматыда 2026 жылдың қыркүйегіне жоспарланған алғашқы Charterhouse халықаралық мектебін ашу туралы келісімге қол қойды. Бастапқыда мектеп 11-18 жас аралығындағы оқушыларға арналған, ал 2028 жылы бастауыш мектеп ашылады.

Халықаралық білім беру корпорациясы өзін Қазақстанда ағылшын тілді білім берудің жеткізушісі ретінде танытты. Ата-аналар үшін бұл балаларды заманауи білім беру тәсілдері мен британдық білім беруді біріктіретін әлемдік деңгейдегі мектепке берудің бірегей мүмкіндігі болады.

Charterhouse басшысы, Доктор Алекс Петеркен: “Мен Charterhouse Almaty-ны біздің мектептер отбасында шын жүректен құттықтаймын. Біз Халықаралық білім беру корпорациясымен серіктестігімізді мақтан тұтамыз және жастарға бірегей мүмкіндіктер жасау үшін тынымсыз жұмыс істейтін боламыз”.

Халықаралық білім беру корпорациясының Бақылау кеңесінің төрағасы Айғазы Әмірланұлы Құсайынов Charterhouse Almaty компаниясының Қазақстандағы білім беруді дамытуға қосқан оң үлесі мен ХБК-ның көрнекті мұрасына сүйенетініне сенім білдірді.

13.06.202413.06.2024

ХБК студенті “Queen University” Республикалық байқауында жеңімпаз атанды

9 маусымда Алматы қаласында “Queen University 2024” Республикалық зияткерлік-шығармашылық сұлулық байқауының гранд-финалы өтті. Халықаралық білім беру корпорациясының 1 курс студенті Құдайбергенова Алуа “Queen” атағы мен 1.000.000 теңге сертификатының иегері атанды.

Гранд-финалда Қазақстанның барлық жоғары оқу орындарынан 600 үміткердің ішінен барлығы 13 қатысушы бақ сынасты.

Жеңімпазымызды құттықтаймыз, табыстар мен одан да үлкен биіктерге жетуді тілейміз!

10.06.202410.06.2024

ҚазБСҚА Қамқоршылар кеңесі

ҚазБСҚА Қамқоршылар кеңесі біздің корпорацияны басқару жүйесін жетілдіруде, қызметтің әртүрлі бағыттарында жоғары жетістіктерді қамтамасыз етуде және білім беру процесінің деңгейін арттыруға бағытталған стратегияны әзірлеуде шешуші рөл атқарады.

ҚазБСҚА Қамқоршылар кеңесінің төрағасы мен мүшелерін танысыңыз:

– Сарманов Бекзат Қазиұлы, Қазақстанның еңбек сіңірген құрылысшысы, «Элитстрой групп» Директорлар кеңесінің төрағасы, төраға;

– Татығұлов Айдар Әбдісағитұлы, «KAZGOR» Президенті;

– Епишев Юрий Николаевич, «UNEX STORY» ЖШС басшысы;

– Омаров Асхат Асанұлы, СЕО және «BI Group» директорлар кеңесінің мүшесі;

– Камитов Нұрлан Дүйсенбайұлы, «INK Architects» бас сәулетшісі;

– Нысанбаева Любовь Владимировна, «УРБОСТИЛЬ» ЖШС басшысы, еңбек сіңірген сәулетші, Қазақстан қала құрылысшылары одағының президенті;

– Көпбаев Қанат Шоханұлы, Kusto Group директорлар кеңесінің тең иесі және мүшесі, YPO Kazakhstan төрағасы, «Бәйге» республикалық федерациясының президенті;

– Байтасов Арманжан Мерекеұлы, «Tan Media Group» холдингінің негізін қалаушы, «Forbes Kazakhstan» журналының Баспагері.

Олардың әрқайсысының өз саласында бай тәжірибесі мен сараптамасы бар, бұл бізге жаңа биіктерге жетуге және білім беру стандарттарын жетілдіруге көмектеседі.

08.06.202408.06.2024

Алматы қаласының Қала құрылысы кеңесінің мүшелері ХБК-да болды

2024 жылғы 7 маусымда Халықаралық білім беру корпорациясына Алматы қаласының Қала құрылысы кеңесінің мүшелері келді. Кездесу аясында қонақтарға Digital музейі, Әмірлан Айдарбекұлы Құсайыновты еске алу мұражайы, мамандандырылған зертханалар, қалалық зерттеулер зертханасы, UNESCO кафедрасы мен ҚазБСҚА-ның жаңартылған корпусы бойынша экскурсия өткізілді.

Қонақтарға Халықаралық білім беру корпорациясы мен KAZGASA SCHOOL-дың жаңартылған корпустары көрсетілді. Сондай-ақ, қонақтар “Сәулет” және “Дизайн” факультеттерінің 2024 жылғы түлектерінің дипломдық жобаларымен танысуға мүмкіндік алды.

Кездесу соңында кадрларды даярлау саласындағы одан әрі ынтымақтастық мәселелері талқыланды.

07.06.202407.06.2024

KazGASA баскетбол командасы Республикалық турнирде 1-ші орын алды

KazGASA баскетбол командасы Республикалық турнирде

1-ші орын алды

26-31 мамыр аралығында Астана қаласында студенттік спорт лигасының Республикалық кезеңінің финалы өтті, онда KazGASA баскетбол командасы Қазақстанның 17 ЖОО арасында жалпы командалық 1-ші орынды иеленді.

Осы қуанышқа орай Халықаралық білім беру корпорациясының ректоры Маргарита Болатқызы Имандосова жаттықтырушы мен студенттерге спорттағы үздік жетістіктері үшін алғыс хаттар табыс етті.

KazGASA командасын осы тамаша жеңісімен құттықтаймыз және одан әрі спорттық табыстар тілейміз!

07.06.202407.06.2024

ХБК жас ғалымдары ҚР Президентінің қолынан тегін пәтерлерге сертификаттар алды

ХБК жас ғалымдары ҚР Президентінің қолынан тегін пәтерлерге сертификаттар алды

2024 жылғы 31 мамырда Мемлекет Басшысы Қасым-Жомарт Тоқаев Алматыда жас ғалымдармен кездесу аясында ғалымдарға 10 тұрғын үй сертификатын жеке табыс етті, олардың арасында “Жалпы құрылыс” факультетінің деканы, қауымдастырылған профессор Жанғазы Нұржанұлы Молдамуратов пен ғылым Департаментінің үйлестірушісі, қауымдастырылған профессор Шынар Мәлікқызы Құлтаева бар.

Халықаралық білім беру корпорациясы жас ғалымдарға еңбектері лайықты мойындалғаны үшін шын жүректен құттықтайды. Сіздің ғылыми көзқарасыңыз бен зерттеуге деген адалдығыңыз болашақта сізге одан да көп табыс әкеледі деп сенеміз.

05.06.202405.06.2024

ХБК басшылығымен стратегиялық сессия

3 маусымда Халықаралық білім беру корпорациясында (ҚазБСҚА) стратегиялық сессия өтті. Оған жоғары оқу орнының басшылығы мен Қамқоршылық кеңесінің төрағасы Айгазы Амирланович Кусаинов қатысты.

Сессия барысында ХБК (ҚазБСҚА) дамуының негізгі аспектілері, соның ішінде құндылықтарды қалыптастыру, стратегиялық көзқарас және корпорация миссиясы талқыланды. Сессия қатысушылары академияның тұрақты дамуына және ұзақ мерзімді мақсаттарына қол жеткізуге ықпал ететін басым бағыттар мен тәсілдерді бірлесе анықтады.

Стратегиялық сессияны өткізу ХБК (ҚазБСҚА) білім және ғылым саласындағы позицияларын одан әрі нығайтуға, сондай-ақ студенттер мен оқытушылар үшін жаңа мүмкіндіктер жасауға жасалған маңызды қадам болды.

03.06.202403.03.2025

Category: Жаңалықтар