Жаңалықтар – Page 3 – Международная Образовательная Корпорация

Сәулеттік таңғы ас

2024 жылғы 18 желтоқсан күні ҚР Сәулетшілер Одағының аясында сәулет фирмалары басшыларының кездесуі – «Сәулеттік таңғы ас» өтті. Қатысушылар сәулет бюроларын тиімді басқаруға қатысты өзекті мәселелерді талқылады.

Кездесуге ХБК-ның (ҚазБСҚА) 5-курс студенті Нұрбек Жүсупов шақырылды. Ол Қазақстан Республикасының Тәуелсіздік күніне орай ұйымдастырылған студенттік жобалар байқауында бірінші орынды иеленген болатын. Нұрбек үшін ірі сәулет компанияларының басшыларымен танысып, жобалармен жұмыс істеуде баға жетпес тәжірибе алу мүмкіндігі туды.

Іс-шараның демеушісі трансформацияланатын кеңістіктерге маманданған немістің Hefele компаниясы болды.

18.12.202419.12.2024

400 жылдық тарихы бар британдық мектеп Алматыда ашылады

2024 жылдың 12-13 желтоқсанында Халықаралық білім беру корпорациясы (ХБК) Ұлыбританияның Charterhouse мектебінің бірінші директорының орынбасары Эндрю Тернердің ресми сапарын қабылдады. Сапар барысында қонақ корпорацияның инфрақұрылымымен, оның ішінде заманауи зертханалармен, оқу ғимараттарымен және мектептермен танысты.

Сапардың басты мақсаты – Орталық Азиядағы алғашқы Charterhouse мектебін Алматыда ашу мәселесін талқылау болды, мұнда ХБК әлемдік стандарттағы білім беру мекемесін құруда серіктес ретінде әрекет етеді.

Charterhouse School Almaty Орталық Азиядағы Ұлыбританияның ең көне және беделді мектептерінің алғашқы филиалы болады. Мектеп 2026 жылдың қыркүйегінде оқушыларға есігін ашуды жоспарлап отыр.

Мектеп британдық білім беру тәжірибесінің үздік дәстүрлерін қазақ халқының бай мәдени мұрасымен үйлестіреді. Оқу процесі толығымен британдық стандарттарға сәйкес болады, сонымен қатар қазақ тілі, әдебиеті және тарихын оқытуға ерекше назар аударылады. Мұғалімдер құрамының шамамен 80%-ы Ұлыбританиядан болады.

Charterhouse Almaty жай ғана білім беру мекемесі емес, болашақта қоғамның көшбасшылары қалыптасатын шабыт орталығы болмақ.

18.12.202420.01.2025

ХБК оқытушылары Қазақстан сәулетшілер одағының мүшелігіне қабылданды

2024 жылдың 17 желтоқсанында Қазақстан Республикасының Тәуелсіздік күніне орай Халықаралық білім беру корпорациясына (ҚазБСҚА) ҚР Сәулетшілер Одағының делегациясы Президенті Садырбаев Г. С. басшылығымен келді.

Салтанатты шара аясында ҚР Сәулетшілер одағының Президенті 11 белсенді мүшеге олардың кәсіби жетістіктері мен қызметі үшін алғыс хаттар табыс етті. Сондай-ақ, кездесуде ХБК-ның (ҚазБСҚА) 13 оқытушысы Сәулетшілер одағына қабылданып, мүшелік билеттерін алды. Бұл оқиға олардың сәулеттік білім мен жобалық қызметке қосқан кәсіби үлестерінің мойындалған маңызды сәті болды.

Сонымен қатар, Сәулетшілер одағының делегациясы студенттердің жобаларын бағалап, үздік жұмыстарды дипломдармен марапаттады.

17.12.202419.12.2024

Қазақстан Республикасының Тәуелсіздік күнімен!

Халықаралық білім корпорациясы Қазақстан Республикасының Тәуелсіздік күнімен шын жүректен құттықтаqls! Тәуелсіздік күні – біздің тарихымыздағы ұлы кезеңдердің бірі ғана емес, еліміздің егемендігі мен ұлт бірлігінің айқын көрінісі, сондай-ақ алға қойған мақсаттарға жету үшін ұмтылысты білдіреді.

Бұл ұлы күні Сіздерге қуаныш пен бақыт, денсаулық пен табыс тілейміз! Еліміз мәңгі өркендеп, көркейе берсін! Тәуелсіздігіміздің қасиетті күні мәңгілік болсын!

16.12.202418.12.2024

ХБК мен түрік компаниясы «Teknik Destek Grubu» арасындағы ынтымақтастық

12 желтоқсанда Халықаралық білім беру корпорациясына сейсмотұрақты құрылыс және ғимараттарды сейсмооқшаулау саласында маманданған түрік компаниясы «Teknik Destek Grubu» өкілдері жұмыс сапарымен келді. Делегацияны компанияның өкілдері Tijen Ekinci ханым мен Eren Aydin мырза бастап келді.

Сапар барысында қонақтар корпорацияның заманауи зертханалар мен жаңа оқу ғимаратын қамтитын инфрақұрылымымен танысты. Сонымен қатар, компания өкілдері студенттер мен оқытушыларға арналған қонақ дәрісін өткізіп, сейсмотұрақты құрылыс саласындағы тәжірибелері мен білімдерімен бөлісті.

Кездесудің маңызды сәті – Халықаралық білім беру корпорациясы, «Alumen Systems» ЖШС мен «Teknik Destek Grubu» компаниясы арасындағы үшжақты ынтымақтастық туралы меморандумға қол қойылуы болды. Келісімнің мақсаты – сейсмостойлық құрылыс және ғимараттарды сейсмооқшаулау саласында синергия құру, сондай-ақ білім беру, ғылыми және өндірістік әлеуетті ілгерілету үшін тараптардың өзара қолдауы мен белсенді әрекеттестігін қамтамасыз ету.

12.12.202413.12.2024

ХБК-да ЭКО-2024 байқауының қорытындысы

2024 жылғы 12 желтоқсанда Халықаралық білім беру корпорациясында «ЭкоСвет» және «ЭкоКвиз» байқауларының қорытындысы өтті. Бұл байқаулар дизайн және құрылыс технологиялары, инфрақұрылым және менеджмент факультеттері ұйымдастырылуымен өткізілді.

Байқау қатысушылары қонақтарға қайта өңделген материалдарды пайдаланып жасалған ерекше экологиялық шамдарды, экологияны жақсартуға бағытталған авторлық жобаларды ұсынды.

Жеңімпаздар ТОО Yesset, ТОО «ЮНГ Орталық Азия» және Svet.kz салондар желісі демеушілердің арнайы сыйлықтарына ие болды.

12.12.202418.12.2024

ХБК «Jumart Jurek» қоғамын қолдады

Жаңа жыл мерекесі қарсаңында ХБК студенттері қайырымдылық бастамаларын жалғастыруда. Жиналған қаражаттың көмегімен балаларға сыйлықтар мен демеушілік көмек көрсетіліп, алдағы мерекелері қуанышты әрі есте қаларлықтай болуына ықпал етті. Мұндай әрекеттер мұқтаж жандарға көмек көрсетіп қана қоймай, басқаларды да қайырымдылыққа қатысуға шабыттандырып, мейірімді және инклюзивті қоғам құруға ықпал етеді.

«Jumart Jurek» қоғамы Халықаралық білім беру корпорациясына шынайы алғысын білдіріп, ректорға алғыс хат табыстады. Сонымен қатар, атқарылған жұмыстың маңыздылығы мен студенттер мен оқытушылардың көрсеткен қамқорлығы мен белсенділігі ерекше атап өтілді.

09.12.202413.12.2024

ХБК студенттері «АРДИ АРТ» шығармашылық орталығына барды

5 желтоқсан күні Халықаралық білім беру корпорациясының студенттері “Арди арт” шығармашылық орталығына барды.

Студенттер күніне орай ұйымдастырған қайырымдылық жәрмеңкесінен жиналған қаражат Жаңа жыл мерекесі қарсаңында мүмкіндігі шектеулі балаларға демеушілік қолдау көрсетуге бағытталды.

Сапар барысында студенттер домбыра ойнау, музыкалық нөмірлер, анимациялық шоу және сыйлық сертификаттарын табыстауды қамтитын ойын-сауық бағдарлама дайындады. Бұл іс-шаралар ерекше кезеңдегі балаларға көрсетілетін қолдау мен қамқорлықтың айқын көрінісі болды.

“Jumart Jurek” қоғамы Халықаралық білім беру корпорациясына ризашылығын білдіріп, ректорға алғыс хат табыс етті. Онда атқарылған жұмыстың маңыздылығы және студенттер мен оқытушылар тарапынан мүмкіндігі шектеулі жандарға деген шынайы қамқорлық ерекше атап өтілді.

05.12.202411.12.2024

ХБК QAZAQ TILI Endowment қорына 10 миллион теңге аударды

Халықаралық білім беру корпорациясы қазақ тілін қолдауға бағытталған QAZAQ TILI Endowment қорына 10 миллион теңге бөлді. Бұл қаражат қазақ тілін дамыту саласындағы жобаларды жүзеге асыруға жұмсалады. Бұған дейін, 2023 жылдың 7 желтоқсанында, Қазақстан Президенті Қасым-Жомарт Тоқаев қордың алғашқы демеушісі ретінде өз жеке қаражатынан 7 миллион теңге аударған болатын.

«Біздің корпорация мемлекеттік тілді сақтау және дамытуға бағытталған бастамаларды әрдайым қолдайды. Біз «Қазақ тілі» қоғамының тұрақты және ұзақ мерзімді дамуының маңыздылығын айқындаған Мемлекет басшысының көзқарасын толықтай қолдаймыз. Қазақ тілі – ұлттық бірегейлігіміздің және рухани мұрамыздың негізі. Мемлекеттік тілді дамыту мен оны насихаттау – қоғам алдындағы біздің ортақ міндетіміз. Баршаңызды осы маңызды мақсатқа қосылуға шақырамыз», – деп атап өтті ХБК Қамқоршылық кеңесінің төрағасы Айгазы Амирланович Кусаинов.

05.12.202410.12.2024

YPO төрағасы ХБК-да

2024 жылғы 5 желтоқсанда ХБК-ға қонақтық дәріс өткізу үшін YPO төрағасы және «Қазақ тілі халықаралық қоры» қоғамдық бірлестігінің президенті Рауан Кенжеханұлы келді.
Сапар барысында ол корпорацияның инфрақұрылымымен, соның ішінде заманауи зертханалар және жаңа оқу корпусымен танысып, студенттер мен оқытушыларға қонақтық дәріс өткізді. Ол ірі жобаларды басқарудағы тәжірибесімен бөлісіп, ұлттық бірегейлікті қалыптастыруда тілдің маңыздылығы туралы айтып, көшбасшылық пен қоғамдық қызметтің өзекті мәселелерін қозғады.